Коррупцияга қарши кураш стратегияси
Агентлик раҳбарининг коррупцияга қарши мурожати!
Хурматли ҳамкасблар,
Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда – Агентлик) самимийлик, ҳалоллик ва ахлоқий хулқ-атворни асосий қадрият деб билади. Биз ўз ишимизни барча амалдаги қонунларга мувофиқ равишда виждонан ва одоб-ахлоқ қоидалари асосида олиб боришга интиламиз.
Шу мақсадда Агентлик ушбу ходимларининг одоб-ахлоқ қоидалари қабул қилди, улар Агентликнинг барча ходимлари учун, шу жумладан директорлар, таркибий бўлинмалар раҳбарлари, Агентлик менежерлари, шунингдек, фуқаролик-ҳуқуқий шартномалари асосида ишлайдиган шахслар томонидан (кейинги ўринларда "Агентлик ходимлари" деб юритилади) мажбурийдир.
Агентлик ўз бизнес шериклари ва ҳамкасбларидан (кейинги ўринларда "контрагент" ёки "контрагентлар") ушбу қоидалар ва кўрсатмаларга риоя қилишни талаб қилади. Бундай ҳолда, контрагентлар қуйидагича тушунилади:
• Таъминловчилар - Агентлик томонидан товар ёки хизматларни етказиб берувчи сифатида танланган шахслар.
• Дистрибюторлар - Агентлик корхоналари маҳсулотларини ташқи бозорларда сотиш учун дистрибютор сифатида танланган шахслар.
Ушбу қоидада бизнеси юритиш жараёнида вужудга келиши мумкин бўлган ҳар хил вазиятларга тааллуқли кўрсатмалар келтириб ўтилган. Агентлик ходимлари фаолиятининг барча жабҳаларида ахлоқий тамойиллар амал қилишни тавсия эталади. Aгар ушбу Қоида бўйича, йўл-йўриқлар ёки бошқа ҳар қандай ахлоқий, ҳуқуқий ёки меъёрий ҳужжатлар тўғрисида бирон бир савол туғилса, ходимлар ҳар қандай чораларни кўришдан олдин батафсил йўриқнома олиш учун Комплаенс назорат бўлими ходимлари билан маслаҳатлашишлари тавсия этилади.
Ушбу Қоидада келтирилган талаблар хамма Агентлик ходимлари учун мажбурийдир. Ходимлар ушбу ҳужжатларга риоя қилишда манфаатдор томон бўлиб, Агентликда ахлоқий хатти-ҳаракатларнинг энг юқори стандартларини амалга ошириш учун жавобгардир.
Агентлик директори Р.Бобоев
Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги томонидан жаҳон стандартларига мувофиқ коррупцияга қарши курашиш сиёсати қайта кўриб чиқилиб, унга қарши курашишнинг янги тизими жорий этилди.
Жумладан:
-
Агентликда коррупцияга қарши курашиш бўйича махсус “Комплаенс назорат” тизими жорий этилди;
- Агентликда коррупцияга қарши курашиш бўйича тасдиқланган "Йўл ҳаритаси" га мувофиқ мунтазам чора-тадбирлар амалга ошириб келинмоқда;
- Замонавий ахборот технологиялардан фойдаланиш кўламини янада кенгайтирилмоқда;
- Инвестиция лойиҳаларини танлашда жамоатчилик иштироки кучайтирилмоқда;
- Ходимларни ишга олиш жараёнларида шаффоф ва самарали тизим жорий қилинган;
- Жамоатчилик назоратининг таъсирчан шаклларидан фойдаланиш каби вазифалар белгиланган.
Агентлик тизимидаги ходимлар томонидан турли қоидабузарликлар, ноқонуний ва коррупцион ҳолатларни хабар қилиш учун қуйидаги алоқа воситалари йўлга қўйилган:
+998 97 735 53 00 махсус телефон рақами;
stopcorruption@alcotobacco.uz алоҳида электрон почта манзили.
Соҳада коррупцияга йўл қўйилганлигининг гувоҳи бўлдингизми? У ҳолда Антикоррупция агентлиги масъуллари билан қуйидаги электрон манзили орқали боғланинг: info@anticorruption.uz Сизнинг мурожаатингиз махфийлиги кафолатланади.
